Засгийн газрын ажлын хэсэг “Рио Тинто” компанитай хийж буй хэлэлцээний хүрээнд зөвлөмж үйлчилгээг гаднын байгууллагаас авч буй. Тус байгууллагаас хэлэлцээний явцын тухай мэдээллийг хэвлэлд тогтмол мэдээлэх нь үр дүнг бууруулах магадлалтай гэж ажлын хэсэгт зөвлөсөн байна.
“Рио Тинто” компаниас Оюутолгойн далд уурхайн бүтээн байгуулалтын зардал хэтэрч, хугацаа хойшилсон шалтгаанаа тайлбарлаж, албан бичиг илгээжээ. Уг тайлбарыг ажлын хэсэг “Рио Тинто”-гийн төлөөллүүдийг байлцуулан хэлэлцэж, хангалтгүй бол дахин тайлбар авах хүсэлт гаргахаар төлөвлөж байгаа талаар ажлын хэсгийн ахлагч, Хууль зүй, дотоод хэргийн сайд Х.Нямбаатар мэдээлэв.
Б.ЖАРГАЛ
