Эрүүл мэндийн яам/ЭМЯ/-наас Covid-19-ийн тархалтын талаарх өнөөдрийн /2021.03.25/ ээлжит мэдээллээ хийж байна.
Халдварт өвчин судлалын үндэсний төвийн дэд захирал Э.Тэмүүлэн:
Сүүлийн 24 цагт 16 лабораторид шинжилгээ хийхэд нийт 285 хүнээс Covid-19 халдвар илэрлээ. Шинэ халдвар нь бүгд дотоодоос бүртгэгдсэн. Ингэснээр Монгол Улсад халдварын батлагдсан нийт тохиолдол 5895 боллоо. Шинээр бүртгэгдсэн тохиолдлын 267 нь Улаанбаатар хотод, 18 тохиолдол нь аймгуудад бүртгэгдлээ. Тодруулбал Завхан 1, Төв 2, Баянхонгор 1, Орхон 3, Дорноговь 2, Дархан-Уул 7, Архангай аймагт 2 шинэ тохиолдол тус тус бүртгэгдсэн байна.
Мөн 96 хүн эмчлэгдэж эмнэлгээс гарснаар энэ хугацаанд эмчлэгдсэн хүний тоо 4044 боллоо.
