Манай улс БНЭУ-аас болон КОВАКС хөтөлбөрийн хүрээнд AstraZeneca вакцинаас нийт 164,000 тунг өнгөрсөн хоёрдугаар сараас эхлэн хүлээн авсан.
Ингээд дархлаажуулалтыг хоёрдугаар сарын 23-наас эхлүүлэж, AstraZeneca вакцинаар эмч, онцгой байдал, цагдаагийн албан хаагч зэрэг хариу арга хэмжээний багт ажиллаж буй иргэдийг дархлаажуулсан юм. Эдгээр иргэний хоёр дахь тунг өнөөдрөөс эхлэн хийж байгаа бөгөөд 13,836 хүнийг хамруулахаар төлөвлөжээ.
Нийслэлийн Эрүүл мэндийн газрын дарга Б.Бямбадорж ‘Коронавирусийн халдварын эсрэг дархлаажуулалтын нэгдүгээр тунд 496,416 хүн, хоёрдугаар тунд 1,023 хүн хамрагдаад байгаа. Улсын хэмжээнд нэгдүгээр тунд 634,240, хоёрдугаар тунд 1,178 иргэн хамрагдсан’ хэмээн ярилаа.
